امریکی بل میں پاکستان سے متعلق منفی حوالہ جات خارج

واشنگٹن : امریکا نے قومی سلامتی ایکٹ 2022 سے کابل پر طالبان کے قبضے میں پاکستان کے کردار سے متعلق تمام منفی حوالوں کو خارج کردیا۔قومی سلامتی ایکٹ کے سابقہ متن میں کابل پر طالبان کے قبضے میں پاکستان کے ملوث ہونے کی طرف اشارہ کیا گیا تھا، تاہم ترمیم شدہ ایکٹ میں اس کا کوئی ذکر نہیں۔اس کی جگہ کوئی پڑوسی ملک کالفظ استعمال کیا گیا ہےنئے ایکٹ میں پاکستان سے متعلق دیگر حوالوں کو بھی خارج کردیا گیا۔