Raza Musani 
تہران: ویانا مذاکرات میں نیک نیتی کا ڈھونگ کرنے والا امریکا ایران کے خلاف مخاصمانہ اقدامات سے باز آنے کوتیار نہیں .پابندیوں کے نشے میں چور امریکا نے ایران پر مزید پابندیاں عائد کر دیں. امریکی وزارت خزانہ نے انسانی حقوق کی پامالی کے الزام کے تحت ایران کی 8 شخصیات اور4 اداروں پر پابندیاں لگائی ہیں۔ انسانی حقوق کے نعرے کے تحت جڑے پہلے بھی امریکا بارہا ایران کی علمی، سیاسی و عسکری شخصیتوں اور سرکاری و غیر سرکاری اداروں پر پابندیاں عائد کر چکا ہے۔امریکانے ایسے وقت میں ایران پرنئی پابندیاں عائد کی ہیں جب جامع ایٹمی معاہدے کی بحالی اور ایران پر عائد پابندیوں کے خاتمے کے لئے ویانا میں نئے مذاکرات کا آغاز ہوا ہے۔ امریکا کے اس مخاصمانہ اقدام پر ایرانی وزارت خارجہ کے ترجمان سعید خطیب زادہ نے رد عمل ظاہر کرتے ہوئے اُسے نیک نیتی پر مبنی امریکی دعوے کے خلاف قرار دیا۔ انہوں نے کہا کہ پابندیاں عائد کرنے سے نہ صرف ایران پر دباؤ نہیں بنایا جا سکتا بلکہ یہ نیک نیتی پر مبنی امریکی دعوے کے بھی برخلاف ہے.
