Raza Musani 
واشنگٹن: امریکا نے ہندوستان کو ملنے والی 21 ملین ڈالر کی گرانٹ روک دی ہے۔ گرانٹ روکنے کا اعلان ایلون مسک کے زیر قیادت ایلون مسک کے ڈپارٹمنٹ آف گورنمنٹ ایفیشینسی ڈی او جی ای نے کیا۔ یہ گرانٹ ہندوستان کو ووٹروں کے ٹرن آؤٹ کو بڑھانے کیلئے دی جانی تھی اور اس کی بائیڈن انتظامیہ نے منظوری دی تھی۔ یہ فیصلہ بین الاقوامی امداد میں وسیع پیمانے پر کٹوتی کا حصہ ہے جو انتخابی عمل اور سیاسی استحکام کو بہتر بنانے کی کلیدی کوششوں کو متاثر کرے گا۔
بی جے پی نے منسوخ شدہ فنڈنگ کو ہندوستان کے انتخابی عمل میں بیرونی مداخلت قرار دیا۔ بی جے پی کے قومی ترجمان امیت مالویہ نے کہا کہ اس رقم سے فائدہ کس کو ہونا تھا؟ یقینی طور پر حکمران جماعت کو نہیں؟ مالویہ نے الزام لگایا کہ غیر ملکی قوتوں کے ذریعہ ہندوستانی اداروں میں منظم دراندازی کی جانا تھی۔ انہوں نے کہا کہ کانگریس کی قیادت والی یو پی اے حکومت نے ملکی مفادات کے مخالف قوتوں کے ذریعے ہندوستان کے اداروں میں دراندازی کو منظم طریقے سے فعال کیا جو ہر موقع پر ہندوستان کو کمزور کرنا چاہتے ہیں۔
