فلسطین سے نقل مکانی اور قبضے کے امریکی مطالبات مسترد

عمان: فلسطینی صدر محمود عباس اور اردن کے شاہ عبداللہ نے فلسطینی ریاست کے کسی بھی حصے سے نقل مکانی اور قبضے کے مطالبات کو مسترد کردیا۔ محمود عباس نے عمان میں ولی عہد الحسین بن عبداللہ دوم سے ملاقات کی، جس میں مسئلہ فلسطین کے حل کے لیے بین الاقوامی قانونی قراردادوں پر عملدآمد اور عرب امن اقدام کے لیے اپنی وابستگی کی توثیق کی۔ محمود عباس نے فلسطینی عوام کی اپنی سرزمین پر قائم رہنے اور ثابت قدم رہنے کی حمایت میں اردن کے ٹھوس مؤقف کو سراہا۔ انہوں نے کہا کہ غزہ کی پٹی ریاست فلسطین کا ایک اٹوٹ اور ناقابل تقسیم حصہ ہے، جس پر باقی فلسطینی سرزمین کی طرح سیاسی اور قانونی دائرہ اختیار ہے۔
شاہ عبد اللہ دوم نے آبادکاری کے اقدامات کو روکنے اور غزہ اور مغربی کنارے میں فلسطینیوں کو بے گھر کرنے اور زمینوں کو ضم کرنے کی کسی بھی کوشش کو مسترد کرنے کی ضرورت پر زور دیا۔