Raza Musani 
بیجنگ : امریکا اور چین کے وزرائے خارجہ کی پانچ گھنٹے طویل ملاقات میں کوئی بڑی پیشرفت نہ ہوسکی۔ امریکی وزیر خارجہ انٹونی بلنکن نے چینی ہم منصب چن گانگ سے بیجنگ کے سرکاری گیسٹ ہاؤس میں ملاقات کی۔ جس میں دوطرفہ امور, علاقائی سلامتی اور بین الاقوامی معاملات زیرغور آئے۔ امریکی محکمہ خارجہ کے ترجمان میتھیو ملر نے کہاہے کہ بلنکن کی چینی وزیر خارجہ سے واضح، ٹھوس اور معیاری بات چیت ہوئی ہے۔ بلنکن نے مواصلات کے چینلز کھلے رکھنے پر زور دیا۔ ادھر چینی وزارت خارجہ کے مطابق چن گانگ نے بلنکن کو بتایا کہ چین امریکہ کے ساتھ مستحکم اور تعمیری تعلقات استوار کرنے کے لیے پرعزم ہے۔ انہوں نے تائیوان سمیت تمام بنیادی مفادات سے متعلق خدشات سے بھی واضح کیا اور تائیوان کے معاملے کو چین امریکہ تعلقات میں سب سے نمایاں خطرہ کے طور پر بیان کیا.
