Raza Musani 
صنعا: غزہ کی مسلسل حمایت اور اسرائیل پر حملے کے جرم میں امریکی فضائیہ کے یمن پر حملوں میں افریقی تارکین وطن سمیت 70 سے زائد افراد مارے گئے۔ جبکہ پچاس کے قریب زخمی ہوئے۔ امریکی فضائیہ نے صبح سویرے یمن کے شمالی صعدہ میں تارکین وطن کے حراستی مرکز پر بم برسادئے جس کے نتیجے میں 60 سے زائد افریقی تارکین وطن مارے گئے۔ جبکہ پچاس سے زائد زخمی ہوگئے۔
اس سے قبل امریکی فضائیہ نے دارالحکومت صنعا کے شمال میں ضلع بنی الحارث پر فضائی حملہ کیا جس میں خواتین اور بچوں سمیت آٹھ افراد شہید ہوگئے۔ جنگی طیاروں نے اتوار کو رات گئے عمران اور صعدہ صوبوں میں بھی کئی مقامات کو نشانہ جس میں بارہ افراد جان سے گئے۔
