Raza Musani 
صنعا: امریکا اور برطانیہ نے ایک بار پھر یمن میں بمباری کی ہے۔ جس میں میزائل سائٹس کو نشانہ بنایا گیا ہے۔ امریکی سینٹرل کمانڈ کے مطابق حملے میں دو میزائل تباہ کردیئے گئے۔ امریکی سینٹرل کمانڈ نے کہا کہ بحیرہ احمر کو محفوظ بنانے کے لیے یمنی فوج پر حملے جاری رہیں گے۔
یمنی فوج کے ترجمان یحییٰ السریع کے مطابق اسرائیل کی محبت میں امریکہ اور برطانیہ جنگی جرائم کررہے ہیں جس کی سزا دی جائے گی۔ بحیرہ احمر میں یمنی حدود سے گزرنے والے ہر اس جہاز کو نشانہ بنایا جاتا رہے گا جس کی منزل اسرائیلی بندرگاہ ہوگی۔ اسرائیل کے خلاف یمن حالت جنگ میں ہے اور ہم اسرائیل کے خلاف اپنا ہر ہتھیار استعمال کریں گے۔
