Raza Musani 
صنعا: غزہ کی مسلسل حمایت کرنے پر یمن کے دارالحکومت صنعا پر امریکا کے فضائی حملوں میں بارہ یمنی شہری شہید اور تیس زخمی ہوگئے۔ امریکی جنگی طیاروں نے صنعا کے ضلع فروا میں ایک بازار اور رہائشی علاقے پر بمباری کی۔ حملے میں کئی عمارتیں تباہ ہوگئیں اور کئی لوگ ملبے تلے دب گئے جس سے اموات میں اضافے کا خدشہ ہے۔ صنعاء کے علاقے عطان اور الوحدہ ضلع بھی امریکی فضائی حملوں کی زد میں رہے۔ صوبہ مارب، مغربی شہر الحدیدہ اور صعدہ پر بھی حملے کیے گئے۔ یمنی حکام کے مطابق امریکی فوج نے ہفتے کی رات سے اب تک اکیس فضائی حملے کیے ہیں۔
اتوار کو صنعا پر حملے میں کم از کم تین افراد شہید ہوئے تھے۔ مارچ سے یمن پر امریکی جارحیت میں دو سو سے زائد افراد شہید ہو چکے ہیں۔
