Raza Musani 
صنعا: امریکا نے اسرائیل کی حمایت میں یمن پر فضائی حملے شروع کردیے۔ حملوں میں اکتیس افراد شہید ہو گئے۔
امریکی صدر ڈونلڈ ٹرمپ کے حکم پر امریکی فضائیہ نے یمن کے دارالحکومت صنعا اور صعدہ سمیت مختلف شہروں میں رہائشی عمارتوں، ریڈار، فضائی دفاعی میزائل سسٹم اور ڈرونز تنصیبات کو نشانہ بنایا۔ امریکی حملوں میں اکتیس افراد شہید اور بیس سے زائد زخمی ہوئے۔
امریکی میڈیا نے کہاہے کہ یمن میں چالیس فضائی حملے کئے گئے صوبہ صعدہ میں بارہ اور دارالحکومت صنعا میں آٹھ حملے کئے گئے۔ سب سے مہلک حملہ کاہزہ میں کیا گیا جہاں دو رہائشی عمارتیں ملبے کا ڈھیر بن گئیں اور سولہ افراد شہید ہوئے۔
امریکی صدر ٹرمپ نے کہاہے کہ مقاصد حاصل ہونے تک طاقت کا استعمال جاری رکھیں گے یمنی فوج نے ان حملوں کو شہریوں کے خلاف جرم قرار دیتے ہوئے جوابی کارروائی کا اعلان کیا ہے اور کہاہےکہ وہ کسی قیمت پر فلسطینی عوام کا ساتھ نہیں چھوڑیں گے۔
