Raza Musani 
واشنگٹن: امریکا اور برطانیہ نے اقتصادی سلامتی کو تقویت دینے کے لیے نئی شراکت داری پر اتفاق کیا ہے۔ وائٹ ہاؤس میں امریکی صدر جوبائیڈن اور برطانوی وزیراعظم رشی سناک کے درمیان ملاقات ہوئی۔ جس میں روس، چین اور اقتصادی عدم استحکام کا مقابلہ کرنے کیلئے خصوصی تعلقات قائم کرنے پر اتفاق کیا گیا۔ دونوں رہنماؤں نے اٹلانٹک ڈکلریشن کا اعلان کیا جس کا مقصد توانائی کی منتقلی اور ابھرتی ہوئی ٹیکنالوجیز پر اقتصادی شراکت داری قائم کرناہے۔ سمجھوتے میں ایک تجارتی معاہدہ بھی شامل ہے جس میں الیکٹرک کار بیٹریوں کے لیے درکار اہم معدنیات، دفاعی صنعت میں قریبی تعاون، تجارتی رکاوٹوں کو کم کرنا اور ڈیٹا پروٹیکشن کا ایک نیا معاہدہ شامل ہے۔ جوبائیڈن نے کانگریس سے برطانیہ کو دفاعی خریداری کے لیے ڈومیسٹک سورس کے طور پر نامزد کرنے کیلئے بات کرنے پر بھی رضامندی ظاہر کی۔
