Raza Musani 
جنیوا : اقوام متحدہ کے انسانی حقوق ادارے کے سربراہ وولکر ترک نے دنیا بھر کی حکومتوں پر غزہ کے معاملے پر ویک اپ کال دیدی۔ وولکر ترک نے غزہ میں اسرائیل کے جنگی طریقوں پر کڑی تنقید کرتے ہوئے کہا ہے کہ وہ غزہ میں فلسطینیوں کیلئے خوفناک مصائب کا باعث بن رہے ہیں۔ انہوں نے کہا کہ حقائق خود بولتے ہیں۔ حکومت میں شامل ہر فرد کو غزہ میں جو کچھ ہو رہا ہے اس کے لیے بیدار ہونے کی ضرورت ہے۔ انہوں نے اس بات پر زور دیا کہ اثر و رسوخ رکھنے والے تمام افراد کو اس ناقابل برداشت تکلیف کو ختم کرنے کے لیے زیادہ سے زیادہ دباؤ ڈالنا چاہیے۔ انہوں نے کہا کہ اسرائیل نے خوراک کو ہتھیار بنا دیا ہے اور جان بچانے والی امداد کو روک دیا ہے۔ انہوں نے خوراک کی تقسیم کے مراکز تک پہنچنے کی کوشش کرنے والے مایوس شہریوں پر مہلک حملوں کی فوری اور غیر جانبدارانہ تحقیقات کا مطالبہ کیا۔
