یوکرین کے امریکا سے مذاکرات مکمل، روس سے آج ہوں گے

ریاض : امریکا اور یوکرین کے درمیان سعودی میزبانی میں مذاکرات کا دور مکمل ہوگیا۔ امریکا اور روسی وفود میں مذاکرات آج ہوں گے۔ یوکرین کے وزیر دفاع رستم عمروف نے کہا ہے کہ ہم نے سعودی میزبانی میں امریکی ٹیم کے ساتھ بات چیت مکمل کرلی ہے۔ بات چیت نتیجہ خیز اور فوکسڈ تھی۔ ہم نے توانائی سمیت اہم نکات پر بات کی۔ انہوں نے کہا کہ یوکرین منصفانہ اور پائیدار امن کے اپنے مقصد کو حقیقت بنانے کےلیے کام کر رہا ہے۔ انہوں نے کہا کہ ہم منصفانہ امن کو قریب لانے اور سکیورٹی کو مضبوط بنانے کے لیے یوکرین کے صدر کی ہدایت پر عمل کر رہے ہیں۔