Raza Musani 
کیف : یوکرینی صدر زیلنسکی نے امریکا کو قدرتی ذخائر تک رسائی دینے کا معاہدہ کرنے سے انکار کردیا ہے۔ نیوز ایجنسی اے پی کے مطابق زیلنسکی نے موقف اختیار کیا ہے کہ یہ معاہدہ صرف امریکی مفادات کے مطابق ہے اور اس کے بدلے میں یوکرین کو کیا ملے گا اس کا ذکر نہیں۔ یوکرین کے صدر نے کہا کہ امریکہ نے یوکرین کو ایک دستاویز پیش کی لیکن اس دستاویز میں ہماری سکیورٹی کی کوئی ٹھوس ضمانت موجود نہیں۔ صدر زیلنسکی نے کہا کہ میرے لیے کسی بھی قسم کی سکیورٹی کی ضمانتوں اور کسی بھی سرمایہ کاری کے درمیان تعلق بہت اہم ہے.
یوکرین حکومت کے ایک موجودہ اور ایک سابق عہدیدار نے اے پی کو بتایا کہ یوکرین کے قدرتی ذخائر یا معدنیات کو امریکہ کی جانب سے ماضی میں کی گئی مدد اور مستقبل کی امداد کے معاوضے یا زرِ تلافی کے طور پر لیا جائے گا۔ وائٹ ہاؤس کے ایک سینیئر عہدیدار نے یوکرین کے صدر زیلنسکی کی جانب سے اس تجویز کو مسترد کیے جانے کو ’عاقبت نااندیشی‘ قرار دیا ہے۔
