یوکرین تنازعہ، روس اور برطانیہ میں خفیہ بات چیت کا انکشاف

لندن : برطانوی اخبار آئی نیوز نے یوکرین جنگ کے دوران برطانوی حکام کے روس کے ساتھ خفیہ مذاکرات کا انکشاف کیا ہے۔ رپورٹ کے مطابق برطانوی حکام نے عالمی سلامتی سے متعلق خدشات پر کریملن کے اہم نمائندوں کے ساتھ خفیہ سفارتی بات چیت کی ہے۔ گزشتہ 18 ماہ کے دوران فریقین میں ویانا اور نیو یارک جیسے مختلف مقامات پر سنجیدہ ملاقاتیں ہوئیں جو سفارتی کوششوں کا حصہ ہیں۔ رپورٹ کے مطابق بات چیت بنیادی طور پر سلامتی کے خدشات کے گرد گھومتی ہے جس سے برطانیہ اور بین الاقوامی برادری دونوں متاثر ہوں گے۔ جس میں اناج کی قلت اور جوہری تحفظ جیسے موضوعات شامل ہیں۔ بات چیت میں شریک ایک سفارتکار نے بتایا کہ برطانیہ نے تنازعہ کے سفارتی حل کے مقصد سے امن مذاکرات کو فعال طور پر آگے نہیں بڑھایا ہے۔ ان کا کہنا تھا کہ ہم رابطے میں رہے ہیں اور سمجھتے ہیں کہ یوکرین میں جنگ کے دوران کھلی بات چیت کو برقرار رکھنا بہت ضروری ہے۔