Raza Musani 
بیروت: اقوام متحدہ کے تحت قائم کئے گئے ٹریبونل نے سابق لبنانی وزیر اعظم رفیق حریری کے قتل کے الزام میں دو افراد کو عمر قید کی سزا سنادی ہے ۔ رفیق حریری کو 2005 میں لبنان کے دارالحکومت بیروت میں ہونے والے بم دھماکے میں قتل کردیا گیاتھا، دھماکے میں سابق وزیر اعظم رفیق حریری سمیت 22 افراد مارے گئے تھے۔ ٹریبونل نے نیدر لینڈ کے شہر ہیگ میں دونوں ملزمان حسن حبیب مرحی اور حسین حسن اُنیسی کی عدم موجودگی میں عمر قید کی سزا سنائی ہے، رواں سال مارچ میں عدالت دونوں ملزمان کی بریت کا فیصلہ واپس لیتے ہوئے انہیں دہشت گردی اور قتل کے الزام میں مجرم قرار دے چکی ہے ۔
