جنوبی لبنان، صیہونی ڈرون حملے میں دو شہری شہید

جنوبی لبنان میں صیہونی جارحیت کے نتیجے میں دو شہری شہید ہو گئے۔ لبنان کی سرکاری خبر ایجنسی کے مطابق دشمن کے ڈرون نے مشرقی لبنان کے پہاڑی سلسلے کے مضافات میں حملہ کیا جس کے نتیجے میں دو شہری شہید اور دو زخمی ہو گئے۔ لبنان کی سرکاری ایجنسی نے بتایا کہ قابض فوج نے منگل کی شام مغربی لبنانی سیکٹر میں علما الشعب اور ناقورہ قصبوں کے درمیان بمباری کی۔ لبنانی ذرائع نے اطلاع دی ہے کہ جنوبی لبنان کے قصبے علما الشعب میں قابض فوج کی طرف سے فائر کیے جانے والے روشنی کے گولوں کے نتیجے میں آگ بھڑک اٹھی۔ منگل کو قابض فوج کے طیارے نے ہرمل شہر کے اوپر درمیانی اونچائی پر اور صیدا شہر کے اوپر کم اونچائی پر پرواز کی۔