سانحہ عاشورہ کراچی کو 12 برس بیت گئے، لواحقین آج بھی انصاف کے منتظر

کراچی : کراچی میں سانحہ عاشورہ کو 12 برس بیت گئے لیکن شہدا کے لواحقین آج تک انصاف کے منتظر ہیں 28 دسمبر 2009 کو یوم عاشور کے جلوس میں بم دھماکے سے 50 سے زائد عاشقان امام حسین علیہ السلام شھید اور درجنوں زخمی ہوئے سانحہ عاشورہ کے سہولت کار اور قاتل آج تک آزاد اور قانون کی گرفت سے باہر ہیں واقعہ کے ایک سال بعد حساس اداروں نے کالعدم تکفیری جماعت جنداللہ کے دہشت گردوں کو گرفتار کیاتھا لیکن انہیں سٹی کورٹ میں مقدمہ کی سماعت کے بعد ساتھیوں کی مدد سے فرارکرادیا گیا فائرنگ کے تبادلے میں دہشت گردوں کا ایک ساتھی مراد شاہ ہلاک ہو گیا تھا مفرور دہشتگردوں کو تاحال گرفتار نہیں کیا جاسکا۔