Raza Musani 
تیونس : تیونس کی وزارت خارجہ نے کہا ہے کہ صدر کے پارلیمنٹ تحلیل کرنے پر ترک صدر طیب اردوان کا مذمتی بیان اندرونی معاملات میں دخل اندازی ہے جو ناقابل قبول ہے۔ اردوان نے تیونسی صدر قیس سعید کے پارلیمنٹ تحلیل کرنے کے حکم کو جمہوریت مخالف اور تیونس کے عوام کی خود مختاری پر کاری ضرب قرار دیا تھا۔ تیونسی وزارت خارجہ نے اپنے بیان میں کہا کہ ترک صدر کا یہ تبصرہ ملکی معاملات میں ناقابل قبول مداخلت ہے۔تیونس اپنے دوست ممالک کے ساتھ قریبی تعلقات کا حامی ہے، لیکن ملک سے متعلق اپنے فیصلے کی آزادی پر قائم ہے اور اپنی خود مختاری میں کسی دوسرے ملک کی مداخلت کو مسترد کرتا ہے۔ تیونس کے وزیر خارجہ عثمان جیراندی نے ٹویٹر پر کہا کہ انہوں نے اپنے ترک ہم منصب سے بھی ٹیلی فون پر بات کی، ترک سفیر کو طلب کرکے اردوان کے تبصروں کی مذمت کی۔
