Raza Musani 
دمشق: شام میں ترکیہ اور اسرائیل کے فضائی حملوں اور سرحدی جھڑپوں میں انیس افراد جاں بحق اور کئی زخمی ہوگئے۔سیریئن آبزرویٹری فار ہیومن رائٹس نے کہا ہے کہ ترک جنگی طیاروں نے شام کے صوبہ حسکا میں کرد اکثریتی علاقوں پر فضائی حملے کئے۔ فضائی حملہ میں ایک کاشتکار خاندان کے گھر کو نشانہ بنایا گیا۔ حملے میں پانچ بچوں سمیت نو شہری اپنی جانوں سے ہاتھ دھو بیٹھے۔
ادھر اسرائیلی جنگی طیاروں نے دمشق کے قریب اور جنوبی درعا صوبے میں شامی فوج کی سابقہ چوکیوں پر متعدد حملے کیے ہیں۔ حملوں میں تین شہری جاں بحق اور ایک درجن سے زائد زخمی ہوئے۔ لبنان اور شام کی سرحد پر جھڑپوں میں سات افراد ہلاک اور باون زخمی ہوگئے۔
جھڑپوں کا آغاز شام کے تین فوجیوں کی ہلاکت کے بعد ہوا شام نے ہلاکتوں کا الزام حزب اللہ پر لگایا ہے۔ شامی فوج نے سرحد کے ساتھ رات بھر حزب اللہ کے ٹھکانوں پر گولہ باری کی۔
