Raza Musani 
انقرہ : ترکیہ کے بلدیاتی انتخابات میں صدر رجب طیب اردوان اور ان کی جماعت کو بڑا دھچکا لگ گیا۔ دارالحکومت انقرہ اور استنبول۔ انطالیہ اور ازمیر سمیت نو شہروں میں میئر کی نشستوں پر اپوزیشن ری پبلکن پارٹی کامیاب ہوگئی۔ ری پبلکن پارٹی کو تین سو چالیس جبکہ حکمراں جماعت جسٹس اینڈ ڈویلپمنٹ پارٹی کو دو سو چالیس اضلاع میں برتری حاصل ہوئی ہے۔ اپوزیشن کے ہزاروں حامی مختلف شہروں میں جشن منانے سڑکوں پر نکل آئے۔
طیب اردون کے بائیس سالہ اقتدار میں یہ پہلا موقع ہے جب ان کی جماعت کو شکست کا سامنا کرنا پڑا ہے۔ انہوں نے اپنی شکست تسلیم کر لی ہے اور کہا ہے کہ دو دہائیوں سے اقتدار میں رہنے کے بعد ان کی پارٹی کے لیے ووٹ ایک ’ٹرننگ پوائنٹ‘ تھا۔ بدقسمتی سے ہم وہ نتائج حاصل نہیں کر سکے جو چاہتے تھے۔ ہم یقیناً قوم کے فیصلے کا احترام کریں گے۔ ہم ضد کرنے، قوم کی مرضی کے خلاف کام کرنے اور قوم کی طاقت پر سوال اٹھانے سے گریز کریں گے۔
