غزہ کو خرید نہیں رہے، امریکی انتظامیہ کے ماتحت لیں گے، ٹرمپ کی ہٹ دھرمی

واشنگٹن : امریکی صدر ٹرمپ نے اردن کے بادشاہ شاہ عبد اللہ دوم سے ملاقات میں کہا کہ ہم غزہ کو خریدنے نہیں جا رہے۔ غزہ کو امریکی انتظامیہ کے ماتحت لیں گے۔
امریکی صدر ڈونلڈ ٹرمپ نے ایک با پھر کہاکہ وہ غزہ کی پٹی کا کنٹرول سنبھالنے، علاقے کے مکینوں کو منتقل کرنے اور جنگ زدہ علاقے کو نئی شکل دینے کے اپنے منصوبے سے پیچھے نہیں ہٹیں گے۔ انہوں نے کہا کہ ہم اسے لینے جا رہے ہیں، ہم اسے اپنے پاس رکھیں گے۔ ہم اس کی قدر کریں گے۔ ہم اسے بالآخر ایک ایسی جگہ بنانے جا رہے ہیں جو مشرق وسطیٰ میں لوگوں کے لیے بہت زیادہ ملازمتیں پیدا کرے گا۔ ٹرمپ نے غزہ کی پٹی کے بارے میں کہاکہ ان کا منصوبہ خطے میں امن لائے گا۔
اردن کے شاہ عبد اللہ نے کہا کہ امریکی صدر ٹرمپ سے ملاقات میں غزہ سے فلسطینیوں کی نقل مکانی مسترد کرنے کا اعادہ کیا اور دو ریاستی حل کی بنیاد پر زور دیا۔