Raza Musani 
واشنگٹن: امریکی صدر ڈونلڈ ٹرمپ نے اسرائیل کی مکمل حمایت کرتے ہوئے ایران کیخلاف براہ راست کارروائی کی دھمکی دیدی۔ اپنے ٹرتھ سوشل پلیٹ فارم پر ایک پوسٹ میں ٹرمپ نے خبردار کیا کہ حوثیوں کے حملوں کا ذمہ دار ایران کو ٹھہرایا جائے گا۔ حوثیوں کی طرف سے کسی بھی مزید حملے یا جوابی کارروائی کا بڑی طاقت سے مقابلہ کیا جائے گا اور اس بات کی کوئی ضمانت نہیں ہے کہ یہ طاقت وہاں رک جائے گی۔ ٹرمپ نے کہا کہ حوثیوں کی طرف سے چلائی گئی ہر گولی کو اس مقام سے آگے دیکھا جائے گا ایران کو نتائج بھگتنا ہوں گے۔
وائٹ ہاؤس کی ترجمان کیرولین لیویٹ کا کہنا ہے کہ ایران کیلئے صدر کو سنجیدگی سے لینا بہتر ہے۔ یہ صدر صرف ہاتھ پر ہاتھ دھرے بیٹھنے اور دہشت گردوں کو تجارتی جہازوں اور امریکی بحریہ کے جہازوں پر حملے کرنے کی اجازت نہیں دے گا۔
