Raza Musani 
واشنگٹن : ٹرمپ ٹیرف نے عالمی مارکیٹ کو پھر ہلا کر رکھ دیا۔ امریکا کے ایک سو چار فیصد ٹیرف کے جواب میں چینی کے چوراسی فیصد ٹیرف نے اسٹاک مارکیٹس میں افراتفری مچادی۔ سرمایہ کاروں کے کھربوں ڈالر ڈوب گئے۔ امریکا نے چین کے چونتیس فیصد ٹیرف کے جواب میں ایک سو چار فیصد محصولات عائد کئے تو چین نے بھی ٹیکس کا حجم چوراسی فیصد کردیا۔ ترجمان چینی وزارت تجارت نے کہاکہ امریکا بلیک میلنگ اور غنڈہ گردی بند کرے۔ چین اپنے حقوق اور مفادات کے تحفظ کے لیے آخر تک لڑے گا۔ امریکی صدر ٹرمپ نے کہا کہ سب کچھ ٹھیک چل رہا ہے۔ امریکہ پہلے سے بڑا اور بہتر ہو جائے گا۔
ادھر یورپی یونین نے بھی امریکا پر پچیس فیصد اضافی ٹیرف کی منظور دیدی ہے۔ امریکی حصص بازار کھلتے ہی ڈھائی سو پوائنٹس سے زائد نیچے آگیا۔ یورپی اور ایشیائی مارکیٹوں میں بھی مندی کا رجحان رہا۔ عالمی منڈیوں میں تیل کے نرخ بھی چار سال کی کم ترین سطح پر آگئے۔ یورپی یونین نے بھی پچیس فیصد اضافی ٹیرف کی منظور دیدی ہے۔
