Raza Musani 
تل ابیب : اسرائیلی فوج نے یرغمالیوں کی رہائی کیلئے آواز بلند کرنے والے ریزرو پائلٹس کو نکالنے کی دھمکی دیدی۔ خبر رساں ادارے اے ایف پی کے مطابق اسرائیلی عہدیدار کا کہنا ہےکہ چیف آف جنرل اسٹاف کی مکمل حمایت کے ساتھ اسرائیلی فضائیہ کے کمانڈر نے فیصلہ کیا ہے کہ جو بھی فعال ریزرو اہلکار غزہ جنگ بند کرنے کیلئے پٹیشن پر دستخط کرے گا وہ اپنی خدمات جاری نہیں رکھ سکے گا۔ یہ بیان ایک ہزار ریزرو اور ریٹائرڈ پائلٹوں کی جانب سے دستخط شدہ خط کے جواب میں دیا گیا جسے کئی اخبارات کے مکمل صفحہ پر شائع کیا تھا۔ یہ خط وزیر اعظم نیتن یاہو کی پالیسی کو چیلنج کرتا ہے، جن کا اصرار ہےکہ غزہ پر فوجی دباؤ ہی وہ واحد راستہ ہے ۔ جس سے فلسطینی عسکریت پسندوں سے یرغمالیوں کی رہائی ممکن ہے۔
خط میں مزید کہا گیا تھا کہ یہ جنگ بنیادی طور پر سیاسی اور ذاتی مفادات کے لیے ہے نہ کہ سکیورٹی فائدے کے لیے۔
