Raza Musani 
سعودی وزارت حج و عمرہ نے کہا ہے کہ اس سال بیرون مملکت کے عازمین کو حج کا زیادہ موقع دیا جائے گا۔کسی بھی ملک سے حج پر آنے پر کوئی پابندی نہیں ہوگی۔ معاون سیکریٹری حج انجینیئر ھشام سعید نے کہا کہ اس سال زیادہ عازمین بیرون ملک سے آئیں گے۔ گزشتہ دو برسوں کے دوران کورونا وبا کے باعث بیرون ملک سے لوگ حج سے محروم رہے تھے۔ اس سال انہیں زیادہ موقع دیا جائے گا اس سال کسی بھی ملک کے عازمین پر حج کے حوالے سے کوئی پابندی نہیں ہوگی۔ اس سوال پر کہ کیا حج کے لیے بوسٹر ڈوز ضروری ہوگی۔ انہوں نے کہا کہ عازمین حج کے لیے ضروری ہے کہ وہ محصن (امیون) ہوں۔ سعودی نظام کے مطابق محصن کا مطلب کورونا ویکسین کی تین خوارکیں لینا ہے۔ یہ پابندی اندرون مملکت سے حج کرنے والے سعودیوں، غیرملکیوں اور بیرون ملک سے آنے والے عازمین سب پر لاگو ہوگی۔
