فلسطینیوں کو مکمل حقوق ملنے تک مشرقی وسطیٰ میں امن نہیں ہوگا، محمود عباس

نیویارک: فلسطینی صدر محمود عباس نے جنرل اسمبلی سے خطاب میں خبردار کیا ہےکہ فلسطینی عوام کو مکمل حقوق دئے بغیر مشرق وسطیٰ میں امن قائم نہیں ہو گا۔ محمود عباس نے کہا کہ جو لوگ یہ سمجھتے ہیں کہ فلسطینی عوام اپنے مکمل، جائز قومی حقوق سے لطف اندوز ہوئے بغیر مشرق وسطیٰ میں امن قائم ہوسکتا ہے، وہ غلطی پر ہیں۔ یہ دو ریاستی حل کو بچانے کا آخری موقع ہو سکتا ہے۔ ہم چاہتے ہیں کہ کوئی ہمیں قابض ریاست سے بچائے۔ محمود عباس نے مزید کہا کہ دائیں بازو کی اسرائیلی حکومت فلسطینیوں کو کچلنے کی پالیسی پر عمل پیرا ہے اور نسل پرستی کی پالیسی پرچل رہی ہے۔ انہوں نے جنرل اسمبلی سے فلسطینیوں کے خلاف اسرائیلی نسل پرستانہ سرگرمیوں کی روک تھام کا مطالبہ کیا۔ فلسطینی صدر نے اسرائیل پر دو ریاستی حل کی منظم تباہی کا الزام لگاتے ہوئے عالمی برادری سے مطالبہ کیا کہ وہ ریاست فلسطین” کو تسلیم کریں اور اقوام متحدہ میں مکمل رکنیت کی حمایت کریں۔