کسی دباؤ میں اسرائیل سے کوئی معاہدہ نہیں ہوگا، حماس

بیروت : فلسطینی مزاحمتی تنظیم حماس نے واضح کردیا ہے کہ مکمل جنگ بندی کی صورت میں ہی اسرائیلی یرغمالیوں کو رہا کیا جائے گا۔ لبنانی میڈیا سے بات کرتے ہوئے حماس کے خارجہ امور کے سربراہ علی البرکہ کا کہنا تھا کہ اسرائیلی یرغمالیوں کی رہائی کے لیے بات چیت جاری ہے۔ حماس کسی دباؤ میں نہیں آئے گی۔ اسرائیل کو اس کی جنگی جرائم کی سزا ملنی چاہئے اور حماس اپنی جدوجہد جاری رکھے گی۔ اسرائیلی فوج غزہ میں مکمل ناکام ہوچکی ہے۔ شمالی، وسطی، جنوبی ہر طرف حماس موجود ہے اور جنگی حکمت عملی کے تحت اسرائیل کے خلاف چھاپہ مار کارروائیاں جاری ہیں جس سے اسرائیل کو شدید مالی اور جانی نقصان ہورہا ہے اور ہماری کارروائیاں جاری رہیں گی۔ اسرائیل کے خلاف ضرورت پڑنے پر مزید راکٹ حملے کیے جائیں گے۔