غزہ سے فلسطینیوں کی نقل مکانی پر کوئی سمجھوتہ نہیں ہوگا، پاکستان، اردن

اسلام آباد: اردن کے شاہ عبداللہ اور پاکستانی وزیراعظم شہباز شریف کی ملاقات میں دونوں رہنماؤں نے غزہ کے باشندوں کی نقل مکانی پر کوئی سمجھوتہ نہ کرنے پر اتفاق کیا ہے۔ پاکستان کے سرکاری دورے پر آئے اردن کے شاہ عبداللہ دوم وزیراعظم ہاؤس پہنچے جہاں مسلح افواج کے دستے نے انہیں گارڈ آف آنر پیش کیا، وزیراعظم شہباز شریف نے شاہ عبداللہ کا استقبال کیا۔ دونوں رہنماؤں نے ملاقات کے دوران بات چیت میں دوطرفہ تعلقات کو مزید گہرا کرنے کے ساتھ ساتھ اقتصادی، تجارت، سرمایہ کاری، صحت، سائنس و ٹیکنالوجی، تعلیم کے ساتھ ساتھ دفاعی شعبوں میں تعاون بڑھانے کے مواقع تلاش کرنے کی ضرورت پر زور دیا۔
دونوں رہنماؤں نے غزہ سے فلسطینیوں کی نقل مکانی کے حوالے سے کسی بھی سمجھوتے سے گریز کو تسلیم کیا۔ دونوں رہنماؤں نے شرم الشیخ غزہ امن معاہدے کے حوالے سے آٹھ عرب اسلامی ممالک کے درمیان روابط مزید بڑھانے پر اتفاق کیا۔