Raza Musani 
قاہرہ : قاہرہ میں حماس اور اسرائیل مذاکرات میں کوئی بریک تھرو نہ ہوسکا۔ مصر کے دارالحکومت قاہرہ میں جاری مذاکرات میں امریکہ نے نئی تجاویز پیش کردی ہیں جن میں اسرائیل اور حماس پر جنگ بندی کیلئے دباؤ ڈالا گیا ہے۔ مذاکرات میں موساد، سی آئی اے مصر اور قطر کے اعلیٰ حکام شریک ہے۔امریکہ نے مصر اور قطر کو حماس پر دباؤ ڈالنے کا مشورہ دیا ہے۔ حماس کے رہنما اسماعیل ہنیہ کے مطابق کسی دھونس یا دھمکی میں نہیں آئیں گے۔اسرائیل غزہ سے نکل جائے اور غزہ میں تمام متاثرین کو ان کے گھروں میں واپسی کی اجازت دی جائے۔اسرائیل بے گناہ فلسطینیوں کو رہا کرے پھر ہی جاکر اسرائیلی یرغمالیوں کو رہا کیا جاسکتا ہے۔ اسرائیلی حکام عارضی جنگ بندی کے بدلے میں یرغمالیوں کی رہائی چاہتے ہیں۔ دونوں فریقوں کے مذاکرات میں تاحال ڈیڈ لاک برقرار ہے.
