Raza Musani 
واشنگٹن: امریکی انٹیلی جنس کمیونٹی کی سالانہ جائزہ رپورٹ میں کہا گیا ہےکہ مستقبل قریب میں افغان حکومت کیخلاف کسی مزاحمت کا امکان نہ ہونے کے برابر ہے۔ جائزہ رپورٹ کے مطابق افغان عوام کا بڑا حصہ جنگ سے پریشان اور طالبان کی انتقامی کارروائیوں سے خوفزدہ ہے۔ مسلح گروپوں کی باقیات کے پاس مضبوط قیادت اور بیرونی حمایت کا فقدان ہے، اس لیے حکومت کیلئے خطرات بہت کم ہیں۔ رپورٹ میں مزید کہا گیا ہے کہ حکومت نے اپنی طاقت بڑھالی ہے۔ مخالف گروپوں کو دبا دیا ہے اور بین الاقوامی تعلقات کو تقویت دی ہے۔ رپورٹ کے مطابق طالبان انسانی بحران کو مناسب طریقے سے حل نہیں کریں گے۔ وہ پابندیوں پر عمل درآمد جاری رکھیں گے، عوامی سزائیں دیں گے۔ مظاہروں پر کریک ڈاؤن کریں گے، اور خواتین اور لڑکیوں کو سیکنڈری اسکول اور یونیورسٹی جانے سے روکیں گے۔
