Raza Musani 
قاہرہ : مصر نے اسرائیلی دعویٰ جھوٹا قرار دیتے ہوئے کہا ہے کہ رفح کراسنگ کو کرم ابوسالم منتقل کرنے کا کوئی منصوبہ نہیں ہے۔ مصر کے سرکاری ذریعے نے کہا ہے کہ ایسا کوئی منصوبہ زیر غور نہیں ہے کہ رفح کراسنگ کو کرم ابو سالم کے علاقے میں سرحدی مثلث میں منتقل کردیا جائے۔ اسرائیلی چینل 13 نے اطلاع دی تھی کہ وزیر اعظم بنیامین نیتن یاہو کی حکومت مصر کے ساتھ فرح سرحدی کراسنگ کو کرم سالم کے علاقے میں منتقل کرنے پر غور کر رہی ہے، جس کا مقصد قاہرہ حکام کو کراسنگ کے انتظام میں مداخلت کی اجازت نہ دینا اور اسرائیل کو حفاظتی چیکنگ کرنے کا اختیار دینا ہے۔ اس سے قبل مصر نے دونوں ممالک کے درمیان رفح اور صلاح الدین سرحدی محور کے حوالے سے انتظامات کے وجود سے متعلق اسرائیلی الزامات کی بھی تردید کی تھی۔
