یوکرین میں امریکا، برطانیہ، فرانس کے فوجی افسران موجود ہیں، روس

ماسکو: روس کے وزیر خارجہ سرگئی لاروف نے انکشاف کیا ہے کہ یوکرین میں امریکہ، برطانیہ اور فرانس کے کرائے کے فوجی ہی نہیں فوجی افسران بھی موجود ہیں۔ روسی وزیرخارجہ نے کہا کہ یوکرین میں بغاوت سے پہلے سینکڑوں امریکی شہری وزارتوں پر براجمان تھے۔ کہا جاتا ہے کہ ان کے اپنے کرائے کے فوجی ہیں لیکن درحقیقت وہاں فوجی افسران موجود ہیں۔ ہم اس سے بخوبی واقف ہیں۔ لاروف نے مزید کہا کہ نیٹو کے دستے پہلے ہی یوکرین میں موجود ہیں، اور فرانسیسی صدر ایمانوئل میکرون نے نیٹو کے فوجی بھیجنے کے امکان کے بارے میں غلط بات نہیں کی۔ انہوں کہا کہ اس دعویٰ کو ثابت کرنے کے لیے کافی ثبوت موجود ہیں۔ انہوں نے کہا کہ وہ یوکرین میں فوجی بھیجنا چاہتے ہیں لیکن غیر اعلانیہ طور پر وہ پہلے ہی وہاں موجود ہیں۔