پاکستان اور ایران کے درمیان دو طرفہ تجارت کے بڑے مواقع موجود ہیں، ایرانی سفیر

اسلام آباد: پاکستان میں ایران کے سفیر ڈاکٹر رضا امیری مقدم نے کہا کہ پاکستان اور ایران کے درمیان دو طرفہ تجارت کے بڑے مواقع موجود ہیں۔ ان خیالات کا اظہار انہوں نے لاہور میں ایف پی سی سی آئی کے ریجنل آفس میں پاکستان اور ایران کے درمیان تجارتی تعلقات کے فروغ پر اہم ملاقات کے دوران کیا۔ ڈاکٹر رضا امیری مقدم نے کہا کہ بہتر تجارتی نظام اور بینکنگ چینلز نہ ہونے کی وجہ سے ایرانی سفارتخانہ کرنسی کے مسائل کے حل کیلئے مکمل تعاون فراہم کرے گا۔ انہوں نے کہا کہ ایران نے پاکستانی ٹرکوں کو آزادانہ نقل و حرکت کی اجازت دے دی ہے لیکن پاکستان نے ابھی تک ایرانی ٹرکوں کو اجازت نہیں دی۔ انہوں نے کہا کہ ہماری کوشش ہے کہ ادائیگیوں کا کوئی بہتر میکانزم بن جائے تو تجارتی حجم از خود بڑھ جائے گا۔