Raza Musani 
بیروت : حزب اللہ کے ڈپٹی سیکرٹری جنرل شیخ نعیم قاسم نے امریکہ اور اسرائیل کی دھمکیوں کے مقابل غزہ میں فلسطینیوں کی حمایت کے لیے لبنانی مزاحمت کے عزم کی توثیق کی۔ انہوں نے کہا کہ مزاحمت کی طاقت فلسطینیوں کے اپنی سرزمین پر حق اور آخری دم تک لڑنے کے عزم سے حاصل ہوتی ہے۔ انہوں نے اس بات پر زور دیا کہ لبنانی مزاحمت امریکہ اور اسرائیل کی طرف سے کسی بھی دھمکی کو مسترد کرتے ہوئے فلسطینیوں کے شانہ بشانہ کھڑے رہنے کے لیے تیار ہے شیخ قاسم نے اس بات پر زور دیا کہ اسرائیلی فوج نے آپریشن الاقصیٰ کے بعد اپنے طویل حملے کے دوران کوئی مقصد حاصل نہیں کیا۔ یہاں تک کہ یرغمالی بھی قیدی تبادلےمیں رہا ہوئے جنگ میں نہیں۔ انہوں نے کہا کہ جنگ کے اسرائیلی حکومت پر اثرات مرتب ہوں گے۔ اس جنگ سے فلسطینی عوام اپنی سرزمین اور مزاحمت کے لیے زیادہ مضبوط اور پرعزم ہو کر ابھریں گے، جب کہ اسرائیلی کمزور اور مستقبل کے لیے زیادہ فکر مند ہوں گے۔
