یمنی فوج نے خلیج عدن میں ایک اور آئل ٹینکر کو نشانہ بنایا

صنعا: یمنی فوج نے خلیج عدن میں ایک اور آئل ٹینکر کو نشانہ بنادیا۔ اینٹی شپ بیلسٹک میزائل لگنے سے برطانوی جہاز مارلین لو۔وانڈا کو نقصان پہنچا۔ جہاز میں آگ بھڑک اٹھی تاہم عملہ محفوظ رہا۔ اس سے قبل امریکی فوج نے کہا تھا کہ اس کے ایک جنگی جہاز نے یمن سے داغے گئے ایک میزائل کو مار گرایا ہے۔ برطانوی فوج کے کنگڈم میری ٹائم آپریشنز جو مشرق وسطیٰ کے آبی گزرگاہوں کی نگرانی کرتی ہے تسلیم کیا کہ ’ایک بحری جہاز کو میزائل سے نشانہ بنایا گیا جس سے آگ لگی تھی۔ یمنی فوج نے حملے کی ذمہ داری قبول کرلی۔ ترجمان یحییٰ سریع نے خبردار کیا ہے کہ جب تک غزہ کے مسلمانوں پر ظلم بند نہیں ہوگا حملے بھی جاری رہیں گے۔