دنیا امریکا کے بغیر بھی آگے بڑھ سکتی ہے، چینی صدر کے واضح پیغام سے ہلچل

بیجنگ : دنیا امریکا کے بغیر بھی آگے بڑھ سکتی ہے۔ چینی صدر کے واضح پیغام نے ہلچل مچادی۔ چینی صدر شی جن پنگ کے سرکاری کامینٹری اکاؤنٹ سے جاری پیغام میں کہا گیا کہ اگر امریکا دنیا کا احترام کھو بیٹھا ہے تو وہی سبق سیکھے گا۔ جو ہر زوال پذیر سلطنت نے بہت دیر سے سیکھا کہ دنیا کسی کےلیے نہیں رکتی، ہمیشہ آگے بڑھتی رہتی ہے۔ پیغام میں یاد دلایا گیاکہ سو سال پہلے برطانوی سلطنت عالمی تجارت پر چھائی ہوئی تھی دنیا کی 20 فیصد دولت اس کے پاس تھی، لوگ سمجھتے تھے۔ اس کا سورج کبھی نہیں ڈھلے گا۔ چینی صدر نے لکھا کہ دو سو سال پہلے فرانس یورپ کے افق پر چھایا ہوا تھا، اس کی افواج سے لوگ ڈرتے تھے، اس کی ثقافت قابلِ رشک تھی، نپولین نے خود کو لازوال قرار دیا تھا۔ چینی صدر نے لکھا کی چار سو سال پہلے ہسپانوی تخت و تاج منیلا سے میکسیکو تک حکومت کر رہا تھا، اس کے خزانے چاندی اور ریشم سے بھرے ہوتے تھے۔ ہسپانوی بادشاہ سمجھتے تھے کہ ان کی عظمت ہمیشہ باقی رہے گی، ہر سلطنت نے خود کو ناگزیر سمجھا لیکن ہر ایک کا سورج غروب ہوا۔ ہر سلطنت نے خود کو ناگزیر سمجھا لیکن ہر ایک کا سورج غروب ہوا۔ ایکس پیغام میں لکھا کہ طاقت کمزور پڑ جاتی ہے، اثر و رسوخ بدل جاتا ہے اور قانونی حیثیت اسی لمحے دم توڑ دیتی جب اسے حاصل کرنے کے بجائے خود پر فرض کر لیا جائے، اگر امریکا دنیا کا احترام کھو بیٹھا، تو وہی سبق سیکھے گا جو ہر زوال پذیر سلطنت نے بہت دیر سے سیکھا ہے کہ دنیا کسی کے لیے نہیں رکتی، ہمیشہ آگے بڑھتی رہتی ہے۔ چینی صدر کےکمنٹری اکاؤنٹ سے ویڈیو بھی شیئرکی گئی ہے جس میں اسرائیلی تاریخ دان آوی شلایم سابق نائب اسرائیلی وزیر خارجہ ڈینی ایالون سے مکالمہ کرتے ہوئے کہتے ہیں کہ ایران نے جوہری عدم پھیلاؤ کے معاہدے پر دستخط کیے۔ ماہرین کو جوہری توانائی کے منصوبوں تک رسائی دی۔ جبکہ اسرئیل نے انکار کیا۔ ان کوششوں کے باجود اسرائیل چالیس سال سے ایران کے خلاف مس انفارمیشن پھیلا رہا ہے۔