ہتھیاروں کا مسئلہ قومی مکالمے اور اندرونی مشاورت سے حل کیا جانا چاہیے، حماس

غزہ : حماس کے ترجمان حازم قاسم نے زور دیا ہے کہ ہتھیاروں کا مسئلہ قومی مکالمے اور اندرونی مشاورت کے ذریعے حل کیا جانا چاہیے۔ سعودی میڈیا گروپ العربیہ کو انٹرویو میں حازم قاسم نے کہا کہ اسرائیل منطق سے دور رہتے ہوئے ہتھیاروں کی تخفیف اور دیگر اصطلاحات کی بات کرتا ہے جبکہ یہ مسئلہ اندرونی اتفاق رائے سے متعلق ہے۔ حازم قاسم نے کہا کہ جہاں تک حماس کا تعلق ہے اس نے پہلے مرحلے میں مطلوبہ ہر چیز کی مکمل پابندی کی ہے تاکہ دوسرے مرحلے میں منتقلی کا راستہ کھل سکے۔ اس مرحلے میں داخلے میں اسرائیل اب بھی رکاوٹ ڈال رہا ہے۔ انہوں نے کہا کہ یہ مرحلہ زیادہ معاملات اور پیچیدگیوں پر مشتمل ہے اور اس میں داخل ہونے سے پہلے قومی اتفاق رائے کی ضرورت ہے۔ ہتھیار کا معاملہ پہلے قومی مکالمے اور اندرونی مشاورت کے ذریعے حل ہونا چاہیے۔