Raza Musani 
غزہ : فلسطین میں امداد اور بحالی کی عالمی تنظیم کے سربراہ فلپس لازرینی نے غزہ میں عالمی تنظیم کے خلاف اقدامات پر تشویش کا اظہار کیا ہے۔ سوشل میڈیا سائٹ ایکس پر پیغام میں انروا کے چیف فلپس لازرینی کا کہنا تھا کہ غزہ میں تیرہ ہزار سے زائد بچے قتل اور سترہ ہزار سے زائد یتیم ہوچکے ہیں جن کا کوئی والی وارث نہیں ہے۔ انروا ہی ان کی دیکھ بھال کرسکتی ہے لیکن اسرائیلی اقدامات اور عالمی ایجنسی کے کام میں رکاوٹ ڈالنے سے بچوں کی زندگی کو شدید خطرات لاحق ہیں۔ غزہ میں ہردن بچوں کی مشکلات بڑھا رہا ہے۔ کوئی بھی شخص غزہ میں محفوظ نہیں ہے۔ ہرلمحے موت کا خطرہ رہتا ہے ایسے میں انروا کے کارکنوں کی کوششوں کو سلام پیش کرتا ہوں جنہوں نے اتنے مشکل حالات میں بھی انسانی خدمت کی اعلیٰ مثال قائم کی ہے.
