فلسطین ولبنان میں مزاحمت کی فتوحات ایران کے تعاون کی بدولت حاصل ہوئیں، سربراہ اسلامی جہاد

تہران : فلسطین کی اسلامی جہاد موومنٹ کے سیکرٹری جنرل زیاد النخالہ نے ایران کی مسلح افواج کے سربراہ میجر جنرل باقری سے ملاقات کی۔ انہوں نے ایران کو مزاحمت کا گھر قرار دیتے ہوئے کہا کہ فلسطین اور لبنان میں مزاحمت کی فتوحات ایران کے تعاون اور موثر کردار کی بدولت حاصل ہوئیں۔ انہوں نے مزید کہا کہ اسلامی جمہوریہ ایران کا آپریشن وعدہ صادق 1 اور 2 کے ذریعے براہ راست جنگ میں داخل ہونا ایک اسٹریٹجک تبدیلی اور خطے کی اقوام کے لئے حوصلہ افزا عمل ہے۔
میجر جنرل باقری نے کہا کہ ایران، جنگ، پابندیوں اور بیرونی دباؤ جیسے تمام مسائل کے باوجود فلسطین اور مزاحمت کی حمایت سے دستبردار نہیں ہوا اور اب بھی پوری طاقت کے ساتھ کھڑا ہے اور رہے گا۔ انہوں نے زور دیا کہ فلسطینی عوام کے خلاف ڈیڑھ سال سے جاری صیہونی ظلم اور 50 ہزار بچوں، خواتین اور بے گناہ فلسطینی شہداء کا خون ظالم رژیم کی نابودی جب کہ فلسطین کے استحکام کا باعث بنے گا۔