Raza Musani 
تہران : ولی امر مسلمین آیت اللہ سید علی خامنہ ای نے کہا ہےکہ صیہونیوں کو مجرمانہ اقدامات کی سزا ضروری ملے گی اور ان کو پچھتانے پر مجبور کرديں گے۔ ولی امر مسلمین نے سینیئر کمانڈر جنرل محمد رضا زاہدی اور ان کے ساتھیوں کی شہادت کی مناسبت سے پیغام میں کہاکہ ان شہدا پر اللہ اور اس کے اولیا کا درود و سلام ہو اور ظالم و جارح صیہونی حکومت کے حکام پر لعنت و نفرین ہو۔ انہوں نے کہاکہ جنرل زاہدی 1980 کے عشرے سے میدان جہاد میں اپنی شہادت کے منتظر تھے۔ ان شہدا نے کچھ کھویا نہيں بلکہ انہوں نے اپنا انعام اور اجر حاصل کرلیا۔ ولی امرمسلمین نے زور دے کرکہاکہ خبیث صیہونی حکومت کو ہمارے بہادر جوانوں کے ہاتھوں سزا ضرور ملے گی اور ہم اس کو ان مجرمانہ اقدامات پر پچھتانے پر مجبور کردیں گے۔
