غاصب صیہونی فوج نے ایک مرتبہ بھی جبالیہ اور رفح کو خون میں نہلادیا، درجنوں فلسطینی شہید وزخمی

غزہ: صیہونی فوج نے ایک بار پھر جبالیہ اور رفح کو خون میں نہلادیا۔ بموں کی برسات سے مزید فلسطینی جان سے گئے۔
صیہونی فوج نے جبالیہ میں تین رہائشی عمارتوں کو نشانہ بنایا۔حملے میں چالیس سے زائد افراد شہید اور درجنوں زخمی ہوئے جبکہ متعدد افراد ملبے تلے دب گئے۔ جن کو نکالنے کی کوششیں جاری ہیں۔ شہدا اور زخمیوں میں خواتین اور بچوں کی بڑی تعداد شامل ہے۔ رفح میں بھی رہائشی عمارت ملبے کا ڈھیر بن گئی۔ صیہونی حملے میں تیس افراد شہید اور کئی زخمی ہوئے۔
غزہ شہر کے مضافاتی علاقے رمل میں بم باری سے بھی بڑے پیمانے پر اموات ہوئی ہیں۔
سات اکتوبر سے غزہ میں جاری وحشیانہ حملوں میں شہدا کی تعداد بیس ہزار تک جاپہنچی ہے۔