Raza Musani 
نیویارک : امریکا نے غزہ میں جنگ بندی کی تیسری قرارداد بھی ویٹو کردی۔ الجیریا کی جانب سے پیش کی گئی قرارداد کے حق میں 13 ووٹ پڑے برطانیہ غیر حاضر رہا۔ جبکہ امریکا نے مخالفت میں ووٹ دیا۔ امریکا نے جواز گڑھا ہے کہ قرارداد سے حماس اور اسرائیل کے درمیان جنگ بندی کے مذاکرات کو نقصان پہنچے گا۔اقوام متحدہ میں امریکی ایلچی نے کہا ہے کہ اس نے عارضی جنگ بندی کی قرارداد کا مسودہ تیار کرلیا ہے۔ قرارداد میں جنوبی شہر رفح پر اسرائیلی زمینی فوجی کارروائی کی مخالفت کی گئی ہے۔ مسودہ میں تمام یرغمالیوں کو رہا کرنے کا فارمولہ بھی پیش کیا گیا ہے اور ساتھ ہی ساتھ بڑے پیمانے پر انسانی امداد کے لیے تمام رکاوٹوں کو بھی ہٹانے کا مطالبہ کیا گیا ہے۔ امریکی مسودے میں اسرائیل کو رفح میں زمینی کارروائی نہ کرنے کی تنبیہ کرتے ہوئے کہا گیا ہے کہ سلامتی کونسل کو اس بات پر زور دینا چاہیے کہ موجودہ حالات میں اتنی بڑی زمینی کارروائی کو آگے نہ بڑھایا جائے۔
