Raza Musani 
واشنگٹن : امریکی سینیٹ نے عوام کی شدید مخالفت کے باوجود یوکرین، اسرائیل اور تائیوان کے لیے 95 ارب ڈالر کے عسکری امدادی پیکج کی منظوری دے دی ہے۔ مہینوں کی سیاسی کشمکش کے بعد امریکی سینیٹ نے امدادی پیکج کی چھبیس کے مقابلے میں ستر ووٹوں سے منظوری دی۔ امدادی پیکج کے تحت یوکرین کو 60۔ اسرائیل کو 14 اور تائیوان کو 10 ارب ڈالر ملیں گے۔ جبکہ دس ارب ڈالر غزہ سمیت تنازعات والے خطوں میں انسانی امداد کیلئے رکھے گئے ہیں۔ یہ بل ایوان نمائندگان کے اسپیکر مائیک جانسن اور سابق صدر ڈونلڈ ٹرمپ کی تنقید کے باوجود منظور ہوا۔ جسے اب ریپبلکن کنٹرول والے ایوان نمائندگان میں بھیجا جائے گا۔ جہاں اس کی منظوری غیر یقینی ہے۔
