Raza Musani 
نیویارک: اقوام متحدہ کے ماہرین نے آئل کمپنیوں کو نسل کشی میں ملوث قرار دیتےہوئے ان پر پابندیاں لگانے کا مطالبہ کردیا۔ اقوام متحدہ کے انسانی حقوق کے خصوصی نمائندے مائیکل فخری نے بتایا کہ ایکزون، بی پی اور شیوورون امریکہ، برازیل، روس، آذربائیجان اور قازقستان کے ذریعے اسرائیلی فوج کو تیل فراہم کر رہی ہیں۔ فخری نے کہا کہ اسرائیلی فوج کو تیل سپلائی کرنا غزہ میں فلسطینیوں کی نسل کشی میں ملوث ہونے جیسا ہی ہے، اسرائیلی فوج کو تیل دینے والی کمپنیوں پر معاشی پابندیاں لگنی چاہئیں۔ انہوں نے کہا کہ غزہ پر جاری جنگ کے درمیان اسرائیلی فوج کو تیل کی سپلائی بند کر دیں۔ اقوام متحدہ کے ایک اور خصوصی نمائندے بالا کرشنن راجا گوپال نے فخری کے مطالبے کی حمایت کی اور کہا کہ کارپوریشنز کو سپلائی روک دینا چاہئے یا کل ممکنہ ذمہ داری کا سامنا کرنے کیلئے تیار رہنا چاہیے۔
