Raza Musani 
نیویارک: سیکریٹری جنرل اقوام متحدہ انٹونیو گوتیریس نے ماسکو کے کراکس سٹی ہال میں دہشت گردی کی مذمت کی ہے۔ انتونیو گوتریس نے تمام سازشی عناصر، منصوبہ بندی اور معاونت کرنے والوں کو انصاف کے کٹہرے میں لانے کا مطالبہ کیا اور زور دیا کہ جرم سے متعلق تحقیقات میں روس سے تعاون کیا جائے۔ امریکی مشیر قومی سلامتی جان کربی نے روس میں اپنے شہریوں کو خبردار کیا ہے کہ وہ عوامی اجتماعات سے دور رہیں۔ ماسکو حملے کی ابتدائی تصاویر خوفناک ہیں۔ہم متاثرین کے دکھ میں برابر کے شریک ہیں۔
روس کی وزارت خارجہ کی ترجمان ماریا زخاروا نے مطالبہ کیا ہے کہ ماسکو میں کی گئی دہشتگردی میں جو بھی ملوث ہو، اقوام متحدہ، سیکریٹری جنرل اور تمام رکن ممالک اس خونی دہشتگردی کی غیر مشروط مذمت کریں۔
