غزہ میں ہزاروں متاثرہ فلسطینیوں کی فاتحانہ انداز میں شمالی علاقوں میں گھروں کو واپسی

غزہ : غزہ میں ہزاروں بے گھر فلسطینیوں نے شمالی علاقوں میں اپنے گھروں کو واپسی شروع کردی ہے۔ صیہونی فوج نے معاہدے کے بعد فلسطینیوں کو واپسی سے روکا ہوا تھا اور گذشتہ روز فائرنگ کرکے ایک فلسطینی کو شہید کردیا تھا۔
قطر کی مداخلت پر حماس نے جمعہ تک اسرائیلی خاتون اربیل یہود کو رہا کرنے پر رضامندی ظاہر کردی۔ جس پر اسرائیل نے نیٹزارم کوریڈور سے فوج کو جزوی طور پر ہٹا لیا ہے۔ نیٹزارم کوریڈور پر ہزاروٖں فلسطینیوں کی گاڑیوں، ٹرکوں، گدھا گاڑیوں کی قطاریں لگی ہوئی ہیں۔پیدل جانیوالے فلسطینی الرشید اسٹریٹ اور گاڑی والے صلاح الدین اسٹریٹ سے شمالی علاقوں کو واپس جارہے ہیں۔ واپسی شروع ہونے پر فلسطینیوں میں خوشی اور جوش کے جذبات دیکھے جاتے ہیں۔ حماس نے شمالی غزہ میں بے گھر فلسطینیوں کی واپسی کا خیرمقدم کیا ہے۔