صیہونی وزیر کی فلسطینی دیہات حوارا کو صفحہ ہستی سے مٹانے کی دھمکی

مقبوضہ بیت المقدس: سینئر صیہونی وزیر نے مغربی کنارے کے دیہات حوارا کو صفحہ ہستی سے مٹانے کا شرانگیز مطالبہ کردیا۔ وزیر خزانہ بیزلیل سموٹریچ نے کہا کہ میرے خیال میں حوارا گاؤں کو مٹانےکی ضرورت ہے۔ یہ کام اسرائیل کی ریاست کو کرنا چاہیے نہ کے کسی انفرادی شخص کو۔ حوارا وہی دیہات ہے جس پرحملہ کرکے صیہونی آبادکاروں نے زبردست تباہی مچائی تھی۔ امریکی محکمہ خارجہ کے ترجمان نیڈ پرائس نے صیہونی وزیر کا بیان غیر ذمہ اور نفرت آمیز قرار دیا ۔انہوں نے کہاکہ جس طرح ہم فلسطینیوں کو تشدد پر اکسانے کی مذمت کرتے ہیں، اسی طرح ہم ان اشتعال انگیز ریمارکس کی بھی مذمت کرتے ہیں۔ جو تشدد پر اکسانے کے مترادف بھی ہے۔ اس سے پہلے اقوام متحدہ میں فلسطین کے سفیر ریاض منصور نے سلامتی کونسل سے مطالبہ کیا تھا کہ وہ فلسطینیوں کے لیے تحفظ کو یقینی بنائے۔