Raza Musani 
تل ابیب : صیہونی وزیردفاع اسرائیل کاٹز نے یرغمالی رہا نہ کرنے پر غزہ کے علاقے ضم کرنے کی دھمکی دیدی۔صیہونی وزیردفاع اسرائیل کاٹز نے کہاہے کہ اگر حماس یرغمالی رہا کرنے سےانکار کرتی ہے تو میں نے فوج کو مزید علاقوں پر قبضہ کرنے، آبادی کو خالی کرانے اور غزہ کے ارد گرد سیکیورٹی زون کو اسرائیلی باشندوں اورفوجیوں کے تحفظ کے لیے وسیع کرنے کی ہدایت کی ہے۔ کاٹز نےکہاکہ جب تک حماس اپنا انکار جاری رکھے گی وہ زیادہ سے زیادہ زمین کھوئے گی جسے اسرائیل میں شامل کیا جائے گا۔ انہوں نے مزید کہا کہ اسرائیل یرغمالیوں کی رہائی کیلئے تمام فوجی اور شہری دباؤ کا استعمال کرے گا۔ جس میں غزہ کی جنوبی آبادی کا انخلا اور غزہ کے رہائشیوں کے لیے امریکی صدر ٹرمپ کے نقل مکانی کے منصوبے پر عمل درآمد شامل ہے۔
