Raza Musani 
قندھار: افغان طالبان کی پولیس نے قندھار بھر میں ایسے پوسٹر آویزاں کیے ہیں جن پر لکھا ہے کہ حجاب نہ پہننے والی خواتین جانوروں کی طرح دکھتی ہیں۔ حکام کاکہنا ہے کہ ایسا طالبان سربراہ ہبت اللہ اخونزادہ کے حکمنامے پرعملدرآمد کرانے کیلئے کیا گیا ہے۔ یہ پوسٹرز دکانوں،کافی شاپس اور دیگر مقامات پر آویزاں کیے گئے ہیں۔ طالبان حکام کا کہنا ہے کہ حجاب کی پابندی نہ کرنے والی خواتین کے اہلخانہ کو ایسے پوسٹرز کی مدد سے آگاہ کیاجارہا ہے۔ طالبان نے یہ بھی کہا ہے کہ حکم کی تعمیل نہ کرنےوالی خواتین کے رشتہ دار مردوں کو آگاہ کرتے ہوئے معطل بھی کردیا جائے گا۔
