Raza Musani 
دمشق: شام کی سرکاری نیوز ایجنسی سانا کے مطابق شامی فوج کے ایئرڈیفنس سسٹم نے دمشق کے اطراف میں صیہونی فوج کے حملوں کو پسپا کردیا ہے۔ سانا نیوز ایجنسی نے اس سے قبل دمشق کے اطراف میں کئی بم دھماکوں کی خبردی تھی۔
شام کے خلاف غاصب اسرائیل کی فضائی جارحیت ایسی حالت میں جاری ہیں کہ حکومت شام نے بارہا اقوام متحدہ اور سلامتی کونسل کے نام خط میں صیہونی حکومت کے ان حملوں کی مذمت اور انھیں روکنے کا مطالبہ کیا ہے۔ صیہونی حکومت، حالیہ برسوں میں دمشق اور شام کے مختلف علاقوں پر فضائی حملے کرتی رہی ہے جن میں سے اکثر حملوں کو شامی فوج پسپا کرتی رہی ہے۔
